vega presenta "l'appel du vide",
O primeiro adianto do seu novo álbum.

Ademais, anuncia nova xira en 2027 coa que celebrará 25 anos de carreira sobre os escenarios.

Presave

Vega presenta «L'appel du vide», primeiro single do seu próximo disco, co que celebra unha traxectoria de vinte e cinco anos. A canción chega o 13 de novembro de 2026 a todas as plataformas, e xa pode gardarse en presave.

Con produción, de novo, de Ricky Falkner, arranca tamén unha nova etapa: editado por La Madriguera Records da man de Mushroom Pillow e presentarase en directo nunha xira inicial por trece cidades a partir de febreiro de 2027, á que se irán sumando novas datas.

A canción

Un beat feito co seu propio corazón

«Trátase dun canto en forma de fuga que medra ata chegar ao clímax. Apela ao amor que escapa e dubida á vez. O beat que marca toda a canción, que se escoita do principio ao final, é o latexo do meu corazón recollido cun fonendo dixital que usei para crear o loop. Un corazón que se desboca e quere saltar polos aires.»

— Vega

A expresión francesa l'appel du vide, a chamada do baleiro, nomea ese impulso de saltar que todos os seres humanos sentimos e frenamos constantemente por instinto de supervivencia.

Nova andaina

LA MADRIGUERA RECORDS XUNTO A MUSHROOM PILLOW

Autoxestionada desde 2013 á fronte de La Madriguera Records, Vega abre unha nova etapa elixindo con quen facer o camiño. En xuño anunciou a súa incorporación a Artica Agency, que asume o seu management e booking, e agora suma a Mushroom Pillow para a edición do seu novo traballo.

«A autoxestión non consiste en facelo todo soa, senón en elixir con quen.»
VEGA